Bayern Munich aktivizoi klauzolën për të vazhduar kontratën e Erik Dier për një vit tjetër, e cila tani e lidh lojtarin me klubin bavarez deri në verën e vitit 2025.
Anglezi mbërriti në janar, si huazim nga Tottenham dhe kontrata e tij po përfundonte këtë verë, që do të thotë se ai tani i përket Bayernit në baza të përhershme.
“Jam shumë i lumtur në Mynih. Tani e ardhmja ime është e përcaktuar dhe mund të fokusohem vetëm në performancën time në fushë me ekipin. Jemi në një fazë të vështirë, por duam të kthehemi te fitorja”,– ka thënë ai për faqen e klubit. Dier luajti shtatë ndeshje me ekipin, duke startuar pesë prej tyre.
Max Eberl, drejtori sportiv i Bayernit, shpjegoi marrëveshjen: “Kontrata e Eric Dier u zgjat me edhe një vit për shkak të aktivizimit. Me gjithë personalitetin e tij, ai është një mbështetje e vlefshme për mbrojtjen tonë.”
