Zbardhen emrat e personave që mbetën të plagosur nga shpërthimi i ndodhur këtë pasdite në Lushnje.
Ata janë Sajmir Korreshi, Sokol Lumi, deputeti Bujar Çela, Ervis Sharka, Lunedi Golemi, Ilia Sota dhe Erigjet Gorovelli.
Deputeti Çela dhe Sokol Lumi janë transportuar te Trauma në Tiranë, ndërsa të lënduarit e tjerë kanë marrë shërbim mjekësor në spitalin e Lushnjes.
Nga shpërthimi humbën jetën Roland dhe Elidon Hoxha, babë e bir.
Ata ndodheshin në një vinç, duke punuar në një kapanon në ndërtim, kur dyshohet se mjeti ka prekur linjën e tensionit të lartë dhe për rrjedhojë është shkaktuar shpërthimi i fuqishëm. Vinçi dyshohet se ka qenë duke transportuar bombola me oksigjen që përdoren për saldim.
Roland Hoxha humbi jetën menjëherë pas shpërthimit, ndërsa i biri disa orë më vonë gjatë transportimit nga spitali i Lushnjes te “Trauma”.
