Në video tregohen pamjet e një banese e cila është dëmtuar nga shpërthimi i fuqishëm që ndodhi në Lushnjë, që la të vdekur babë e bir dhe 6 të tjerë të plagosur.
Dyert, dritaret dhe orenditë janë dëmtuar si pasojë e ngjarjes. Fuqia e shpërthimit ka shkulur dritaret dhe dyert, duke i hedhur përtokë.
Në atë shtëpi jetonin tetë persona, të cilët kanë treguar se në momentin e shpërthimit kanë qenë në banesë, raporton “TCH”, që ka publikuar edhe pamjet.
Fatmirësisht nuk kanë pësuar dëmtime fizike asnjëri prej tyre, por e kanë ndjerë tronditjen e fortë.
Dëmtime ka pësuar edhe fasada.
