Një servis makinash është përfshirë nga flakët mëngjesin e kësaj të mërkure në Shkodër.
Ngjarja ka ndodhur në fshatin Shtoj i Ri, ku në rrethana ende të paqarta servisi në pronësi të një 38-vjeçari është përfshirë nga zjarri.
Si pasojë janë shkaktuar dëme të shumta materiale. Sakaq grupi hetimor po punon për sqarimin e rrethanave dhe të shkakut të rënies së zjarrit.
“Rreth orës 05:35, në një servis automjetesh në fshatin Shtoj i Ri, në pronësi te shtetasit G. P., 38 vjeç, ka rënë zjarr, dyshohet si pasojë e një shkëndije elektrike.
Zjarrfikësit kanë bërë të mundur shuarjen e plotë të zjarrit.
Si pasojë e rënies së zjarrit janë djegur pjesë që shërbenin për rregullimin e makinave që ndodheshin brenda servisit, dhe pjesërisht një automjet”,- njofton Policia.
