Kapiteni i Inter-it, Lautaro Martinez ka dhënë një intervistë së fundmi ku ka folur për interesat e skuadrës dhe ato të tijtë.
Sulmuesi theksoi se çdo trofe është një objektiv për një klub si ai i “zikaltërve”.
“Natyrisht që çdo trofe është një objektiv për një klub si Inter-i. Të jesh pjesë e një grupi vëllezërish dhe miqsh që shkojnë në të njëjtin drejtim, pavarësisht nëse luan apo jo, është e rëndësishëm për të ecur përpara. Kështu që gjërat bëhen më të thjeshta”-tha fillimisht ai.
Më tej i pyetur për çështje më personale, si për shembull pseudonimi që i kanë vënë “El Toro” (Demi), argjentinasi u shpreh se ia vendosën shokët e skuadrës të Racing Club, pasi ishte gjithmonë i zemëruar dhe i keq në duele.
“Kur mbërrita te Racing, shokët e skuadrës më vunë nofkën El Toro sepse isha gjithmonë i zemëruar dhe i keq në duele dhe sepse dua të fitoj gjithmonë. Pseudonimi im vjen prej andej”-deklaroi Lautaro Martinez.
