Një i moshuar është gjetur pa shenja jete këtë të hënë në Kuçovë.
Ngjarja ka ndodhur në fshatin Perondi, ku një 71-vjeçar dyshohet se është vetëvaruar. I moshuari është gjetur nga bashkëshortja e tij, ndërsa ende nuk dihen shkaqet që e kanë çuar drejt aktit ekstrem.
“Më datë 26.02.2024, rreth orës 13:15, në fshatin Perondi, Kuçovë është gjetur nga bashkëshortja pa shenja jete, dyshohet i vetëvarur shtetasi H. B., 71 vjeç”,- njofton Policia.
Grupi hetimor po punon për sqarimin e rrethanave të ngjarjes.
