Festa jo e hijshme e Cristiano Ronaldos e cila ndodhi gjatë ndeshjes midis Al Nassr dhe Al Shabab, tani është nën hetim nga Federata Saudite e Futbollit.
Gjatë ndeshjes së Ligës Saudite, CR7 ka humbur durimin pas thirrjeve të shumta që lavdëronin rivalin e tij historik, Leo Messi.
Ronaldo nuk e ka marrë mirë provokimin, duke festuar pas golit të tij me një gjest të vrazhdë ndaj tifozëve të Al Shabab, fillimisht duke vënë duart te veshët për të mbyllur gojën e tifozëve kundërshtarë dhe më pas në pjesët e poshtme.
Më pas ndeshja përfundoi 3-2 për skuadrën e portugezit.
Federata Saudite e Futbollit ndërhyri në episod, duke njoftuar hapjen e një hetimi për “gjestin imoral” të Cristiano Ronaldos.
Festimi do të shqyrtohet nga Komisioni Disiplinor, i cili do të shpallë vendimin në ditët në vijim.
— @TrollFootball Videos (@TF_Video) February 25, 2024
