Real Madridi është një hap larg Alphonso Davies: mbrojtësi i majtë nuk do të rinovojë kontratën me Bayern Munich, e cila skadon në vitin 2025 dhe mbetet të shihet nëse kanadezi do t’i bashkohet Los Blancos këtë verë apo atë të ardhshmen.
Bisedimet për rinovimin e marrëveshjes së tij nuk janë ndalur plotësisht, aq sa menaxheri i lojtarit dhe drejtori sportiv i bavarezëve janë takuar së fundmi, por distanca mes ofertës dhe kërkesës është vërtet e madhe.
Sipas asaj që raportohet nga Bild, mbrojtësi i krahut do të kishte kërkuar një rritje të pagës deri në 20 milionë euro bruto në sezon, të cilën klubi nuk ka ndërmend ta mbështesë.
Ai aktualisht merr pak më shumë se 10 milionë bruto në vit, rreth 7 milionë të ardhura fikse dhe 3.5 milionë bonuse, dhe dyfishi duket se është shumë për politikën e Bayern Munich, që ka qenë gjithmonë shumë i kujdesshëm për të mos shpenzuar shuma të tepruara për paga.
Megjithatë, fjala e fundit nuk është thënë. Marca beson se Davies mund të shitet për një shumë prej 40 deri në 50 milionë euro, ndërsa Real Madridi do
