Është zbardhur identiteti i peshkatarit, i cili u mbyt pasditen e kësaj të mërkure në zonën e Porto Romanos në Durrës. Mësohet se viktima është shtetasi Aurel Ndoni, 40 vjeç.
Ngjarja e rëndë ka ndodhur rreth orës 17:15, ku Ndoni ishte duke peshkuar bashkë me vëllain e tij, shtetasin E. N., 34 vjeç dhe një person tjetër me inicialet M. V., 33 vjeç.
Gjatë peshkimit dyshohet se 40-vjeçari ka rrëshqitur dhe ka rënë në ujë, i cili është tërhequr nga rryma dhe nuk ka mundur të dalë nga deti.
Autoritetet bëjnë me dije se shërbimet e Policisë Kufitare dhe ato të Policisë së Durrësit kanë shkuar menjëherë në vendin e ngjarjes dhe së bashku me polumbarët e RENEA-s do të kryejnë kërkimet për gjetjen e trupit.
Gjithashtu, një grup i posaçëm hetimor i ngritur për rastin, po kryen hetimet për të zbardhur rrethanat.
