Edukimi i përdoruesve të rrugës në zbatimin e rregullave të qarkullimit është faktori kyç në uljen e aksidenteve automobilistike që këtë fillim viti kanë shënuar gati dyfishim në krahasim me atë paraardhës.
Eksperti Fadil Likaj thekson edhe nevojën për përmirësimit të infrastrukturës, si një prej shkaqeve!
Në një intervistë për Ora News, Likaj shprehet se aksidentet janë pasojë e fluksit të lëvizjes, por në shumicë faj i drejtuesve të mjeteve e këmbësorëve që shkelin rregullat e qarkullimit.
Likaj: “Nëse i referohemi dhe shikojmë aeroportin “Nënë Tereza” do të shikojmë që ka një rritje të fluksit të lëvizjeve dhe kjo bën që rrugët aktuale janë projektuar inimalisht 10 vite më parë, dhe me shtimin e mjeteve këto rrugë nuk janë në nivelin e kërkuar”.
Ndaj ngulmon tek edukimi i shoferëve dhe këmbësorëve si masë parandaluese.
Dhe këta të rinj duhet të bëjnë kujdes dhe t’i thërrasin mirë mendjes, sepse është grupmosha që duhet të bëjë ndryshimin.
Duhet të flasim edhe për pjesën e ndërgjegjësimit, sepse ne në Shqipëri e dimë shumë mirë që këto rrugë kemi”.
Problemet e infrastrukturës janë një tjetër faktor i ngjarjeve në rrugë, sipas ekspertit Likaj.
Likaj: “Për rritjen e numrit të aksidenteve kemi një problem që janë rrugët, sepse e dimë që ka segmente rrugore ku mungon sinjalizimi. Padyshim, që unë jam tek rrugët në të cilat duhet investuar, por pa diskutim edhe ndërgjegjësimi i drejtuesve duhet rritur që të kemi rrugë sa më të sigurta për të gjithë”.
Ndëshkimi i shkelësve, sipas ekspertëve të sigurisë rrugore, nuk kanë ndikim në parandalimin e aksidenteve me pasoja ndaj kërkojnë që masat e policisë të shtrihen përtej gjobave!
