Një 16-vjeçar ka humbur ndjenjat dhe u rrëzua në fushë duke parë një ndeshje basketbolli pasditen e sotme te pallati i sportit “Asllan Rusi”.
Adoleshenti ka humbur jetën pasi ka parë një ndeshje basketbolli të shokëve të tij. Pas lojës adoleshentët janë mbledhur për të festuar, por 16-vjeçari ka rënë pa ndjenja në tokë.
Më pas, 16-vjeçari ka ka ndërruar jetë në spital. Paraprakisht dyshohet se ka pësuar arrest kardiak.
Mësohet se prej një viti ai nuk luante basketboll.
“Sot më datë 24.02.2024, rreth orës 15:00, te pallati i sportit “Asllan Rusi”, një 16-vjeçar duke parë një ndeshje basketbolli, ka humbur ndjenjat dhe është rrëzuar në fushë, dhe më pas ka ndërruar jetë në spital.
Paraprakisht dyshohet se 16-vjeçari ka pësuar arrest kardiak.”– njofton policia.
Grupi hetimor po punon për sqarimin e rrethanave të ngjarjes.
