Presidenti Joe Biden e quajti presidentin rus Vladimir Putin “një bir k*rve të çmendur”, në një mbledhje fondesh të mërkurën në San Francisko, sipas gazetarëve të grupit që udhëtonin me presidentin e SHBA, raporton CNN.
“Ne kemi një bir k*rve të çmendur, si Putin, dhe të tjerë. Dhe ne gjithmonë duhet të shqetësohemi për një konflikt bërthamor. Por kërcënimi ekzistencial për njerëzimin është klima,” u tha Biden të pranishmëve në mbledhjen e fondeve.
Biden kritikoi gjithashtu komentet e ish-presidentit Donald Trump duke krahasuar problemet e tij ligjore me vdekjen e liderit të opozitës ruse dhe kritikut të Kremlinit, Alexey Navalny.
“Ai po e krahason veten me Navalny dhe thotë se për shkak se vendi ynë është bërë një vend komunist, ai u persekutua, ashtu si u persekutua Navalny. Nga vjen kjo dreqin”, tha Biden, sipas gazetarëve në dhomë.
