nteri fitoi betejën e parë me Atletico Madrid teksa goli i Arnautovic në minutën e 79’ mjaftoi për të ndezur në festë San Siron.
Zikaltërit shkojnë me një avantazh shumë të madh në Madrid në sfidën e kthimit dhe shohin me të drejtë nga çerekfinalja.
Heroi i ndeshjes, austriaku Marko Arnautovic ka folur për “Mediaset” pas ndeshjes.
“Më vjen keq për Markus Turam, nuk dua që një lojtar të lëndohet kurrë. Këto janë mundësitë e mia, unë hyj për të bërë ndryshimin. Shënova në rastin e tretë pas dy dështimesh, i lumtur për njerëzit që erdhën këtu për të brohoritur, për djemtë dhe për familjen time që ishte e pranishme këtu.
Nuk është një moment i lehtë për mua, por më vjen mirë që arrita të shënoj. Jam shumë i lumtur, le të ecim përpara.
Kemi krijuar shumë raste, por kemi fituar dhe kjo është e rëndësishme. Na pret një ndeshje shumë e vështirë. Ne duhet të mendojmë për të luajtur lojën tonë, ne mund të fitojmë edhe në Madrid”, shpreh Arnautovic.
