Gjykata e Posaçme ka konfirmuar masën e arrestit me burg dhënë më herët në mungesë për Muharem Koroveshin, i arrestuar dy ditë më parë.
Muharem Koroveshi, i njohur edhe si Muharem Ismaili apo Muharem Myftaraj, sipas hetimeve, kishte planifikuar eliminimin fizik të Ines Hajrullës.
Ndaj tij rëndojnë akuzat për kryerjen e veprave penale të sigurimit të kushteve dhe mjeteve materiale për të kryer vrasje, armëmbajtjes pa leje dhe pjesëmarrjes në grup kriminal.
Lidhur me rastin janë shpallur në kërkim dy persona të tjerë.
Në seancën gjyqësore të kësaj të hëne, Muharem Koroveshi përfitoi nga e drejta për të mos dhënë deklarime në seancën e marrjes në pyetje, njoftoi gjykata.
Lexo edhe:
