Ndeshja mes Partizanit dhe Tiranës e cila ishte e vlefshme për javën e 24-të të “Abissnet Superiore”, përfundoi me fitoren e “Demave”. Derbi që u zhvillua në stadiumin “Air Albania”, përfundoi me rezultatin 2-1. Pas kësaj sfide për mikrofonat e MCN TV, ka folur Arinaldo Rrapaj.
“Unë ndihem shumë mirë dhe e kuptoj që kanë qenë këto momentet që është përfolur largimi. Kur nuk ka patur asgjë konkrete jap maksimumin në çdo stërvitje dhe ndeshje. Kaluam dhe këtë moment sepse derbi është derbi dhe duhet të shikojmë përpara.
Shpërdorova 2-3 raste sot, nuk ia fal vetes ato. Por ka rëndësi fitorja e ekipit edhe pse doja të kontribuoja me gol. Doja të shënoja vetë, por më bëhet qefi që asistova Carën. Shehi na tha që të jemi të qetë në mëndje dhe zemërluan në fushë. Të japim zemrën në fushë dhe të fitojmë çdo duel në fushë”, tha Arinaldo Rrapaj.
