Shqipëria vijon të bëjë mirë në mundje. Këtë herë sportisti Islam Dudaev ka siguruar finalen e Kampionatit Europian të Mundjes që po zhvillohet në Rumani.
Pas katër fitoreve radhazi në këtë turne, sportisti nga Dakestani i natyralizuar si shqiptar e ka të sigurt medaljen në peshën deri në 65 kilogramë.
Dudaev në ndeshjen e parë mposhti turkun Toprak, me rezultatin 6-3. Në garën me rumunin Coman, Dudaev e dominoi përballjen në tapet duke marrë rezultatin 8-1.
Në ndeshjen e tretë Dudaev fitoi pastër me francezin Arsamerzouev, me rezultatin 4-0. Ndeshja që i siguroi finalen ishte ajo ndaj mundësit nga Azerbajxhani, ndeshje të cilën e fitoi me rezultatin 3-1.
Nesër në 17:30 sportisti kuqezi do të përballet në finale me Gadzhimurad Rashidov.
