Një 25 vjeçar, i shpallur në kërkim është arrestuar këtë të premte nga policia në Shijak.
Blutë bëjnë me dije se në pranga shtetasi Blejdi Axha, i cili ishte dënuar me dy vite burg për drejtim mjeti nën efektin e drogës, për posedim të armës së ftohtë dhe për thyerje të masës së sigurisë.
“Gjykata e Shkallës së Parë Durrës e ka dënuar shtetasin Blejdi Axha, me 2 vjet dhe 2 muaj burgim, për veprat penale “Drejtimi i automjeteve në mënyrë të parregullt”, “Prodhimi, mbajtja, blerja apo shitja pa leje e armëve të ftohta” dhe “Largimi i të burgosurit nga vendi i qëndrimit”. Në janar të vitit 2022, rezultoi se ky shtetas drejtonte automjetin, në efektin e lëndëve narkotike. Gjithashtu, atij iu gjet 1 përforcues grushti”,– njofton policia.
Axha iu dorëzua Drejtorisë së Përgjithshme të Burgjeve, për veprime të mëtejshme procedurale.
