Milan-Rennes përballen për herë të parë në histori sonte, në ndeshjen e parë të raundit të 1/16-ave të Europa League, sfidë që nisi në orën 21:00 në “San Siro”.
Kuqezinjtë kryesojnë 3-0 teksa po luhet minuta e 65-të e sfidës.
Fillimisht skuadra e Piolit arriti të realizonte golin e avantazhit në minutën e 32-të.
Florenzi kroson topin drejt zonë dhe i dhuron asist Loftus-Cheek, me këtë të fundit që godet me kokë dhe gjen rrugën drejt rrjetës, duke kaluar skuadrën e tij në epërsi.
Me fillimin e pjesës së dytë, Loftus-Cheek, sërish protagonist realizoi golin e dytë të mbrëmjes për të dhe për ekipin e tij.
Ndërkohë për trefishimin e rezultatit mendoi Rafael Leao në minutën e 59-të. Kombinim i bukur me Theo-n, Leao realizon me një goditje të fortë dhe i jep golin e tretë Milan-in, duke u rikthyer te goli pas pesë ndeshjeve mungesë në të gjitha kompeticionet.
