Sekretari i Shtetit Antony Blinken ka falënderuar me anë të një postimi në platformën X (ish-Twitter) ambasadën Amerikane në Tiranë, për mbështetjen që sipas tij, ka dhënë në të ashtuquajturën reforma në drejtësi dhe për angazhimin në strehimin e emigrantëve afganë.
“Faleminderit @USEmbassyTirana për punën tuaj të rëndësishme në prioritetet kyçe, nga ndihma për rivendosjen e mijëra aleatëve afganë te mbështetja e reformës së drejtësisë në Shqipëri dhe forcimi i partneriteteve tona ushtarake”,-shkruan Blinken.
Sekretari i shtetit ka zhvilluar disa takime këtë të enjte në Shqipëri, ndërsa tashmë është duke zhvilluar një takim në kryeministri me kryeministrin Edi Rama dhe me delegacionet e dy vendeve.
Pas kësaj vizite, pritet që kryeministri Rama dhe sekretari Antony Blinken të dalin në një konferencë të përbashkët.
Më herët, gjatë një deklarate te Piramida, Blinken i thurri lavde Edi Ramës.
