Diplomati dhe ish-ambasadori i Shqipërisë në Britaninë e Madhe, Mal Berisha i ftuar në ‘Çim Peka LIVE’ në SYRI TV, duke komentuar vizitën e sekretarit të Shtetit të SHBA në Tiranë, është shprehur se Antony Blinken erdhi në Tiranë në një kohë të papërshtatshme.
Sipas Mal Berishës, ‘lajmi i ardhjes së Blinken në Shqipëri, e fut në hije dënimin nga Gjykata e Uashingtonit për McGonigal’.
‘Sot është një ditë kur në historinë e marrëdhënies mes dy vendeve shënohet edhe vizita e Blinken.
Erdhi në kohë të papërshtatshme, sepse kryeministri shqiptar e ka emrin në një nga skandalet më të mëdha që i kanë ndodhur deri më tani, marrëdhënieve mes SHBA e Shqipërisë.
Erdhi në një moment për të mbuluar një lajm me një tjetër, por lajmi i ardhjes së Blinken në Shqipëri, e fut në hije dënimin nga Gjykata e Uashingtonit për McGonigal.
Blinken gjatë gjithë bisedës nuk e përmendi fjalën demokraci, unë do të thoja se; në shtëpinë e të varurit nuk përmendet litari. Në një vend ku nuk ka demokraci, vidhen votat’, tha diplomati Mal Berisha në SYRI TV.
