Grupi parlamentar i opozitës është mbledhur përpara nisjes së seancës në Kuvend.
Kjo është hera e dytë që grupi i bashkuar mblidhet në selinë e Partisë Demokratike. Këtë herë të pranishëm në mbledhje janë edhe deputetët Emilia Koliqi dhe Ferdinand Xhaferraj, të cilët kishin munguar herën e parë.
Ndërkohë mësohet se 7 ligjvënësit e PD-së që janë përjashtuar nga Kuvendit nuk do të paraqiten në Parlament, duke u shmangur përplasja me Gardën tek dera e institucionit.
Mbledhja vjen përpara seancës parlamentare. Grupi parlamentar i PD është zotuar për të vazhduar protestat, ndërsa ka zbritur i bashkuar edhe në terren për takime përpara protestës së 20 shkurtit.
