Gola, autogol dhe kartonë të kuq, Galatasay-Sparta Prague dhuruan spektakël në takimin e parë të raundit të 1/16-ave të Europa League, që u mbyll me fitoren 3-2 të skuadrës turke.
Vendasit zhbllokuan sfidën në minutën e 19, me Demirbay që gjeti rrugën drejt rrjetës pas asistit të Icardit.
Sparta gjeti barazimin në nisje të fraksionit të dytë, me Preciado që shënoi në minutën e 47’.
Ndërsa një autogol i Krejci në minutën e 61’ riktheu Galatasaray-n në avantazh, por festa e tyre zgjati shumë pak, pasi në minutën e 62’ Nelsson u ndëshkua me karton të kuq dhe la ekipin e tij në inferioritet numerik.
Miqtë e shfrytëzuan më së miri superioritetin numerik dhe në minutën e 65’ Kuchta barazoi për ekipin e tij.
Në minutën e 80’ u barazua edhe numri i lojtarëve në fushë, pasi Rynes mori kartonin e dytë të verdhë dhe la ekipin e Spartës me dhjetë lojtarë.
Megjithatë, Galatasaray vazhdoi me sulmet dhe në minutën e 90+1’ Icardi gjeti golin dhe i dhuroi këtë fitore skuadrës së tij.
