Një 48-vjeçar është arrestuar nga Policia e Shkodrës, pasi qarkullonte me armë zjarri pa leje me vete në bulevardin “Skënderbeu”. Në pranga është vënë shtetasi Helidon Marku, banues në lagjen “Ndoc Mazi”.
Sipas autoriteteve, 48-vjeçari sapo ka parë shërbimet e Policisë, ka dalë nga automjeti dhe është larguar afër një lulishteje ku ka tentuar të fshehë armën e zjarrit që mbante më vete. Por, pavarësisht tentativës për t’u arratisur, sërish ai është kapur nga uniformat blu.
Policia bën me dije se arma e zjarrit pistoletë me municion luftarak dhe automjeti tip “BMW” që drejtonte Helidon Marku janë sekuestruar në cilësinë e provës materiale.
Materialet procedurale i kaluan Prokurorisë së Shkodrës për veprime të mëtejshme.’- njofton policia.
