Ashtu siç ishte paralajmëruar edhe më herë, në Tiranë do të mbahet samiti i Ukarinës, ku së fundmi është zbuluar edhe data.
Mësohet se ky samit do të mbahet më 28 shkurt, ku i pranishëm do të jetë edhe vetë presidenti ukrainës, Volodymyr Zelensky. Kujtojmë se ka qenë vetë kryeministri Edi Rama që paralajmëroi nga Shkupi samitin dhe vizitën e Zelensky në Tiranë.
Ndërkohë, një ditë më pas, më 29 shkurt, mësohet se Tirana do të presë liderët e Ballkanit Perendimor. Burime bëjnë me dije se fokus i takimit do të jetë rrugëtimi i vendeve të Ballkanit Perëndimor drejt Bashkimit Evropian.
Kujtojmë se Komisioni Evropian, në nëntor 2023, propozoi një Plan të Rritjes për Ballkanin Perëndimor, i cili synon të zgjerojë përfitimet e Tregut Unik të Bashkimit Evropian në rajon përpara anëtarësimit formal, me synim kontributin pozitiv në rritjen ekonomike dhe përshpejtimin e konvergjencës socio-ekonomike me BE-në.
