Real Madrid do të duelojë me Leipzig mbrëmjen e sotme, sfidë kjo e vlefshme për 1/16-ave të Champions League. Një duel që pritet të jetë mjaft i luftuar mes dy ekipeve, të cilat kërkojnë të vazhdojnë rrugëtimin e tyre në këtë kompeticion.
Në prag të kësaj sfide në konferencën për shtyp doli edhe Toni Kroos. Mesfushori gjerman foli për çështjen e rinovimit me “Los Blancos” dhe për një rikthim të mundshëm te kombëtarja Gjermane.
Për të dyja këto çështje, Kroos theksoi se nuk di asgjë, ndërsa kujtojmë se kontrata aktuale me madrilenët i përfundon në fund të këtij sezoni dhe mbetet të shihet se çfarë do të ndodhë në muajt në vazhdim.
“Nuk e di, me të vërtetë. Më vjen mirë që kaq shumë njerëz duan që unë të vazhdojë. Nuk ka asnjë vendim ende. Këto janë të gjitha problemet që kam. Unë nuk kam marrë asnjë vendim.
Dua ta përfundoj karrierën time në një nivel shumë të lartë. Jam i njëjti si një vit më parë. Do të shohim. Dua të marr vendimin e duhur. Kombëtarja është një mundësi, por unë nuk kam vendosur asgjë.
Nuk jam i shqetësuar për atë që mund të ndodhë. Një vendim mund të merret përpara fundit të sezonit. Do ta marr kur të mendoj se është koha. Nuk është e lehtë të luash për kaq gjatë në një nivel të lartë. Jam i kënaqur me performancën time, por sezoni i vërtetë fillon në mars ose prill”, përfundoi 34-vjeçari.
