Të shtunën, Real Madrid e mposhti Gironën me rezultat 4-0 në javën e 24-të të La Ligës spanjolle dhe në qendër të vëmendjes ishte mesfushori turk Arda Guler, i cili fitoi një penallti në fund të ndeshjes.
Madje mori leje nga Carlo Ancelotti për ta ekzekutuar, por më pas ndodhi një situatë e papritur.
Arda Guler ka shkuar menjëherë drejt topit kur arbitri ka treguar pikën e bardhë.
Joselu e kishte marrë tashmë topin dhe nuk i interesonte fakti që i gjithë ekipi i kërkonte që ta gjuante Guleri penalltinë. Madje Ancelotti i dha dritën jeshile Gulerit për të ekzekutuar penalltinë, por ai që nuk pranoi ishte Joselu.
As Luka Modric, i cili në atë moment mbante shiritin e kapitenit, nuk arriti ta bindë Joselu-n që të dëgjojë trajnerin dhe skuadrën. Në fund, Joselu humbi penalltinë dhe Guler shkoi për ta ngushëlluar.
https://twitter.com/i/status/1757165350041293133
https://twitter.com/i/status/1757154510273642746
