Besa e ka nisur shumë mirë vitin 2024 dhe sot, me fitoren e dytë radhazi, ka hedhur një tjetër hap të rëndësishëm për t’iu larguar zonës së ftohtë të klasifikimit.
Skuadra kavajase ka mundur në transfertë ekipin e Luzit, në ndeshjen e cila në fakt është luajtur në stadiumin e qytetit të Lushnjës për shkak të dënimit që u dha nga Disiplina për këtë të fundit.
Ekipi i Besës e nisi ndeshjen mirë me një gol të shpejtë të Mustafa Ba dhe ishte në kontroll të plotë të lojës, ndonëse iu desh që të priste deri në minutat e fundit kur u akordua penalltia e transformuar saktësisht nga Perja, që të dyfishonte shifrat dhe hipotekonte fitoren.
