Fitorja ndaj Bayern Munich padyshim ka entuziazmuar tifozët e Bajer Leverkusen. Përveç suksesit ndaj një rivali të vjetër, ata kanë parë skuadrën e tyre që të shkëputet edhe më shumë në kreun e renditjes, të ndjekur pikërisht nga bavarezët.
Ndaj edhe festa në fundin e ndeshjes në stadium ka qenë me të vërtetë e veçantë,
Për ta bërë më të bukur, ka menduar edhe kapiteni i skuadrës, portieri Lukas Hradecki. Veterani 34-vjeçar, sapo përfundoi sfida, u kthye edhe ai në një ultras të mirëfilltë.
Ai u ngjit në tribunën e mbështetësve të zjarrtë të Leverkusenit, mori mikrofonin dhe nisi koret e skuadrës, me tifozët të cilët e ndoqën, teksa ekipi me Xavi Alonson dhe stafin e tij në fushë, po argëtoheshin po ashtu duke ndjekur spektaklin.
