Avokatët e ish-kryeministrit Sali Berisha, Genc Gjokutaj dhe Sokol Mëngjesi kanë përgatitur dhe publikuar këtë të diel analizën sipas tyre me shkeljet e procedurës ligjore, duke e quajtur gjyqin ndaj liderit opozitar si një proces politik.
Në analizë avokatët kanë sqaruar shkeljet, sipas tyre të kryera nga Prokuroria Speciale për Korrupsionin dhe Krimin e Organizuar (SPAK), Gjykata Speciale për Korrupsionin dhe Krimin e Organizuar (GJKKO) dhe Parlamenti, që ata thonë se është i kontrolluar nga Edi Rama.
Dokumenti prej 19 faqesh është publikuar i plotë në www. sali-berisha.com.
Kreu i Partisë Demokratike e ka publikuar këtë dokument duke i ftuar qytetarët të mësojnë të vërtetën.
Ndërkohv kujtojmë se që prej datës 30 dhjetor 2023, Berisha ndodhet në arrest shtëpie, si dhe nën urdhër ndalim komunikimi me këdo, përveç anëtarëve të familjes që jetojnë me të. Ai akuzohet për korrupsion pasiv në bashkëpunim, në lidhje me çështjen e privatizimit të ish-kompleksit ‘Partizani’.
