Personi që shihni në foto është Selman Mihana, ekonomisti që mbeti i vrarë në vendin e tij të punës, ndërkohë që u plagos pronari i tij.
70-vjeçari shkoi si çdo ditë në punë në orën 7, por nuk e dinte që kjo do ishte e fundit për të.
Krimi u shënua në Gurëz të Kurbinit, ku ndodhet firma e inerteve në pronësi të 51-vjeçarit Ardjan Gjeloshi dhe ku punonte Selman Mihana.
Ardjan Gjeloshi bashkë me ekonomistin e firmës së tij Selman Mihana, ishin duke u futur brenda zyrave të kompanisë, kur ndaj tyre është qëlluar me armë zjarri.
Autorët pjesëmarrës në krim dyshohen të kenë qenë më shumë se dy, ndërsa mbetet ende e paqartë se sa prej tyre kanë qenë në rolin e qitësit.
Ajo që është konfirmar nga hetimet paraprake është se objektivi i sulmit ishte pronari Ardjan Gjeloshi.
