Ka ndërruar jetë në ambientet e spitalit 15-vjeçari me inicialet E. Ç., i cili mbeti i plagosur në aksidentin e regjistruar mbrëmjen e sotme në aksin Sarande-Ksamil, ne vendin e quajtur “Kanali Çukës”.
I mituri është përplasur nga automjeti tip “Benz” me drejtues shtetasin Elidon Ali, 20 vjeç, teksa ka qenë duke shtyrë një automjet tip “Lancia” bashkë me tre shtetas të tjerë.
15-vjeçari mbeti i plagosur bashkë me shtetasin David Cepa, 24 vjeç dhe u trensportuan me urgjencë në spital, por fatkeqësisht i mituri nuk ka arritur dot t’u mbijetojë plagëve të marra, duke ndërruar jetë rreth një orë pas mbërritjes në spital.
Drejtuesi i automjetit tip “Benz”, shtetasi Elidon Ali, është shoqëruar në Komisariatin e Sarandës, për veprime të mëtejshme.
