Policia ka vënë në pranga një 19-vjeçari i cili vodhi një shumë parash në banakun e një farmacie në Dibër. Po ashtu policia ka nisur procedimin penal per 19-vjeçarin me iniciale O.GJ që është konfliktuar dhe ka goditur me sende të forta dy persona të tjerë.
“Specialistët për Hetimin e Krimeve të Komisariatit të Policisë Dibër, arrestuan në flagrancë për veprën penale “Vjedhja”, i shtetasit A.K., 19 vjeç, banues në Peshkopi. Ky shtetas vodhi një shumë parash në banakun e një farmacie, por u konstatua nga një punonjëse e Policisë Rrugore dhe falë reagimit të menjëhershëm të Patrullës së Përgjithshme dhe të Shqiponjave u bë kapja dhe arrestimi i tij në flagrancë.
Po nga këto shërbime u referuan materialet në Prokurori ku nisi procedimi penal në gjendje të lirë për shtetasin O.Gj., 19 vjeç, banues në Maqellarë, pasi për motive të dobëta, është konfliktuar dhe ka goditur me sende të forta shtetasit R.K., dhe A.P.”- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
