Mainz-Union Berlin zhvilluan këtë të mërkurë ndeshjen e prapambetur nga java e 18-të e Bundesliga-s.
Skuadrat ndanë pikët në “Mewa Arena”, në takimin që u mbyll me barazimin 1-1.
Sfida rezultoi e luftuar dhe me raste të shumta nga të dyja skuadrat, por në fund u realizuan në total vetëm dy gola.
Ishin vendasit ata të cilët gjetën të parët rrugën drejt rrjetës, me Burkardt që shënoi në minutën e 45+8’.
Ndërsa po në shtesën e pjesës së parë, në minutën e 45+13’ Gosens barazoi për miqtë.
Si nga Mainz ashtu edhe nga Union Berlin tentuan sërish rrugën drejt rrjetës në fraksionin e dytë, por në fund gjithçka përfundoi me rezultatin 1-1.
Pas kësaj përballjeje, Mainz renditet në vend të 17-të me 12 pikë, teksa Union Berlin në vend të 15-të me 18 pikë.
