Një i moshuar është plagosur këtë të hënë në Shkodër, pasi është rrëzuar nga motoçikleta që drejtonte.
“Rreth orës 12:05, në aksin rrugor ‘Shkodër-Koplik’, shtetasi Z.R., 87 vjeç, ka humbur kontrollin mbi drejtimin e motomjetit dhe motomjeti ka dalë nga rruga. Si pasojë është dëmtuar shtetasi Z. R., i cili ndodhet në spital, në kujdesin e mjekëve, jashtë rrezikut për jetën”, njoftoi policia.
Grupi hetimor vazhdon veprimet në vendngjarje, për zbardhjen e plotë të rrethanave të aksidentit, shtuan të njëjtat burime.
