Mazhoranca tentoi sot t’i lërë jashtë Kuvendit me forcë deputetët e opozitës, edhe ata të papërjashtuarit, duke i vendosur kordonin e Gardës së Republikës tek dera, për ta zhvilluar seancën e vetme dhe e qetë.
Por, duke gënjyer padrejtësisht para mikrofonave, kreu i grupit parlamentar të PS-së Bledi Çuçi tha se asnjëherë ata nuk janë ndaluar.
Duket se mazhoranca nuk do të heqë dorë nga përjashtimet masive të opozitës nga Kuvendi dhe këtë e konfirmoi edhe Bledi Çuçi.
“Ishte shfaqje e shëmtuar. Besoj e kemi pasur të qartë para rregullit dhe zhvillimit normal të parlamentit nuk do të na ndalë asgjë. Përjashtimet do të vijojnë nëse do të kemi sërish tensione në parlament apo në komisione. Askush nga deputetët e papërjashtuar nuk do të ndalohet nuk është ndaluar asnjëherë. Nuk është ndaluar as sot. Nuk e ndoqa pasi unë isha brenda. Askush nuk e ka ndaluar një njeri që nuk ka qenë i përjashtuar në seancë. Ky teatër merr kolegët e përjashtuar të futen me zor është teatër absurd.”- tha Çuçi
