Partizani nuk mori çfarë deshi në sfidën ndaj Egnatias dhe përveç kësaj humbi edhe një lojtar të rëndësishëm si Maget Gueje. Rreth minutës së 57-të mesfushori pësoi një dëmtim në shpatull dhe la fushën mes dhimbjesh dhe frikës për një frakturë të mundshme.
“Panorama Sport” raporton se pas ndeshjes senegalezi është dërguar për një ekzaminim të menjëhershëm, që fatmirësisht ka hequr frikën e madhe të një dëmtimi të ngjashëm me atë të Prekës. Maget nuk ka diçka të rëndë, që mund ta mbajë gjatë jashtë fushave.
Mesfushori ditën e sotme do të kryejë një tjetër ekzaminim për të caktuar qartë diagnozën dhe shkallën e dëmtimit. Gjithsesi, pritet që senegalezi të mos jetë i gatshëm ndaj Dinamos dhe të jetë në garë me kohën për betejën ndaj Tiranës. Ndaj bluve pritet kthimi i Muratajt dhe Mehmetit.
