Egnatia nuk ka ndërmend të ndalet, me rrogozhinasit që kanë arritur të kryejnë goditjen e fundit në merkato.
Siç dihet tashmë merkatoja e janarit është mbyllur, por kjo nuk ndalon klubet të bëjnë ende afrime për pjesën tjetër të sezonit, saktësisht lojtarë që janë të lirë në treg.
Këtë e ka shfrytëzuar Egnatia, e cila ka përforcuar sulmin me lojtarin e lindur në Francë, Youba Drame.
26-vjeçari luan si sulmues anësor dhe vjen në Shqipëri pas aventurave në Ligën e parë çeke ku së fundmi ishte pjesë e Fastav Zlin.
