Policia ka zbardhur brenda 24 orësh grabitjen e një automjeti në Kurbin, duke arrestuar autorin e dyshuar.
Autoritet raportojnë se shtetasi L. L., banues në Laç, kishte kallëzuar në komisariat se i kishin vjedhur automjetin e tij “Lancia” të cilin e kishte patur të parkuar te parkimi poshtë pallatit.
Pas kallëzimit, në vijim të kontrolleve dhe vlerësimit të çdo informacioni policor për këtë rast, gjatë mesnatës, shërbimet policore të Komisariatit Kurbin kanë lokalizuar mjetin e vjedhur në një rrugicë dytësore dhe autori po tentonte të largohej sëbashku me automjetin në drejtim të një qarku tjetër me qëllim shitjen e mjetit.
Sipas Policisë, drejtuesi i mjetit, në momentin që ka parë uniformat blu, ka devijuar rrugën në tentativë për tu larguar bashkë me automjetin, por nuk ka mundur dhe në këto kushte, duke shfytëzuar edhe përfituar nga errësira e natës, ka braktisur mjetin dhe është larguar me vrap.
Pas hetimeve, është bërë e mundur identifikimi dhe arrestimi i tij, më konkretisht shtetasi G. N. 40 vjeç, banues në Laç, për vepren penale “Vjedhja”.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë për veprime të mëtejshme.
