Janë zbardhur detaje të reja nga shpërthimi me lëndë eksplozivi i regjistruar mbrëmjen e të shtunës në Lezhë.
Burime bëjnë me dije se “shënjestër” e shpërthimit me tritol ka qenë banesa dy katëshe e Aleks Ivanajt në fshatin Ishull-Shëngjin, teksa ngjarja ka ndodhur rreth orës 23:00. Mësohet se lënda plasëse është hedhur nga përsona të paidentifikuar në oborrin e shtëpisë.
Burime bëjnë me dije se në momentin e ngjarjes brenda baneses ishte një e moshuar 80-vjeçare nëna e të zotit të shtëpisë, pasi Aleks Ivanaj së bashku me familjen ndodhet prej vitesh në emigrim.
Fatmirëasisaht nga shpërthimi ka patur vetëm dëme të vogla materiale, teksa Policia ka nisur hetimet në lidhje me rastin. Nga verifikimet paraprake bëhet me dije se brenda shtëpisë është hedhur një kapsollë detonatore e cila ka shpërthyer.
Pjestaret e familjes Ivanaj kanë deklaruar në polici se nuk kanë konflikte, ndërsa blutë vijojnë veprimet hetimore për sqarimin e plotë të rrethanave, identifikimin dhe kapjen e autorit, i cili mendohet se ka qenë një person dhe duke përfituar nga erresira ka arritur të veprojë dhe është larguar pa lënë gjurme.
Policia po sheh kamerat e sigurise për bizneseve dhe banesave në zonë për të parë lëvizjet para dhe pas ngjarjes, çka mund të ndihmojë në identifikimin e autorit.
