Policia e Kurbinit ka arrestuar 30-vjeçarin Fatbardh Ismaili, i cili ishte shpallur në kërkim që prej muajit Maj të vitit të kaluar.
“30-vjeçari ishte shpallur në kërkim kombëtar pasi Gjykata e Shkallës së Parë Lezhë me vendim penal datë 25.05.2023, ka caktuar ndaj tij masën e sigurisë “arrest me burg” për veprat penale “Vrasje me dashje’ mbetur në tentativë” dhe “Mbajtja pa leje dhe prodhimi i armëve, armëve shpërthyese e municioneve”. Materialet procedurale iu referuan Prokurorisë, për veprime të mëtejshme.” – thuhet në njoftimin e Policisë.
Fatbardh Ismaili ishte shpallur në kërkim për ngjarjen e regjistruar më 17 maj të vitit të kaluar në yonën e Fushë Kuqes, ku qëlloi tre herë me armë zjarri ndaj makinës së ish-deputetit të PS, Armando Prenga.
30-vjeçari mori hak për babain e tij, Islam Ismaili, pas një konflikti për numërimin e votave që kz i fundit kishte patur me ish-deputetin soiclaist. Në deklarimet e tij në polici, Islam Ismaili ka deklaruar se është dhunuar nga vëllai i ish deputetit socialist, Armando Prenga gjatë numerimit të votave në KZAZ -në 15 në Kurbin
