Një aksident ka ndodhur mbrëmjen e së shtunës në aksin rrugor Patos-Fier.
Dy automjete janë përplasur në vendin e quajtur “Kthesa e Portezës” dhe për pasojë kanë përfunduar në një kanal në anë të rrugës.
Si pasojë, një person është plagosur.
“Rreth orës 19:00, në aksin rrugor ‘Patos-Fier’, në fshatin Portëz, automjeti tip ‘Audi’, me drejtues shtetasi Xh. G., është përplasur me mjetin tip ‘Opel’, me drejtues shtetasi H. Rr., i cili ndodhet në spital, në kujdesin e mjekëve. Grupi hetimor vazhdon veprimet në vendngjarje për zbardhjen e plotë të rrethanave të aksidentit”, njoftoi policia.
Po këtë pasdite, një aksident me 4 të lënduar u shënua në aksin Fier-Seman.
