Skuderia e Ferrarit në Formula 1, ka bërë të ditur se Lewis Hamilton do të bëhet pjesë e saj për sezonin e vitit pasardhës.
Piloti britanik, ka vendosur që të largohet nga Mercedes pas 12-vitesh dhe i bashkohet italianëve.
Fillimisht ishte skuadra e Mercedes e cila nëpërmjet një komunikate bëri të ditur se Hamilton kishte aktivizuar një klauzolë të marrëveshjes mes palëve për të mbyllur në fund të këtij edicioni kontratën që kishte me këtë skuadër.
Më pas, erdhi edhe konfirmimi nga Ferrari nëpërmjet një postimi në rrjetet sociale. “Skuadra Ferrari është e lumtur të njoftojë se Lewis Hamilton do të bashkohet me skuadrën në vitin 2025 me një kontratë shumëvjeçare”, shkruhej në këtë njoftim duke zyrtarizuar marrëveshjen.
Hamilton ka qenë me Mercedes që nga viti 2013 dhe ka fituar gjashtë nga shtatë kampionatet e tij botërore me ekipin. Megjithatë, që nga viti 2022 makina e tyre ka qenë shumë larg ritmit të Red Bull dominues dhe ai nuk ka qenë në gjendje të sfidojë për titull. Ai e ka bërë të qartë zhgënjimin e tij për paraqitjen e tyre.
Hamilton do të zhvillojë kështu sezonin e tij të fundit me skuderinë gjermane përpara se t’i bashkohet Ferrarit në vitin 2025.
Team Statement
Scuderia Ferrari is pleased to announce that Lewis Hamilton will be joining the team in 2025, on a multi-year contract. pic.twitter.com/moEMqUgzXH
— Scuderia Ferrari (@ScuderiaFerrari) February 1, 2024
