Dy shqiptarë, identitetet e të cilëve nuk bëhen të ditur, janë arrestuar nga policia italiane pasi fshihnin në banesë 4 kg kokainë, 1.5 kg marijuanë dhe 20 mijë euro cash.
Prej disa ditësh Agjentët e Skuadrës Fluturuese, një seksion kundër krimit të përhapur, kishin ndjekur dy shtetas shqiptarë, pas një denoncimi për një vajtje-ardhje të çuditshme në një apartament në via Della Pietra. Dje në mëngjes, policët vunë re se një djalë i ri po dilte nga banesa e raportuar dhe pasi hipi në autobus, shkoi në Via Emilia Ponente.
Punonjësit e tjerë pranë shtëpisë kanë vërejtur një tjetër të ri shqiptar që ka mbërritur rreth orës 14:00 i cili ka hyrë në shtëpinë e raportuar, pak pasi është larguar në mënyrë të dyshimtë dhe ka hipur në një makinë.
Hetuesit vendosën të vazhdojnë me kontrollin e të dyshuarit të ri, por ai goditi dy operatorë të Skuadrës Fluturuese me makinën e tij dhe u largua. Rezultati ishte një ndjekje e cila zgjati disa kilometra drejt San Lazzaro deri në daljen 5 të unazës, ku makina u bllokua. Gjatë ndjekjes drejtuesi i makinës ka hedhur qafe një tufë çelësash dhe lëndë narkotike.
Në të njëjtën kohë, grupi tjetër policor ka qëndruar pranë shtëpisë ku pak më pas ka mbërritur djali i ri i cili ishte vënë re duke dalë nga shtëpia dhe duke marrë autobusin në mëngjes dhe i është bërë kontroll i menjëhershëm dhe kontroll brenda banesës.
Ky kontroll ka rezultuar pozitiv pasi u gjet kokainë me peshë afërsisht 4 kg, marijuanë me peshë 1.5 kg dhe një shumë prej 20 mijë eurosh cash.
Dy të rinjtë shqiptarë të moshës 22 dhe 28 vjeç pa precedentë penalë u arrestuan dhe u dërguan në burg. Droga e vendosur në tregun e qytetit do t’i kishte sjellë grupit të ardhura mbi 400 mijë euro.
