Ndeshja mes Wolfsburg dhe Koln, në kuadër të javës së 19-të të Bundesligës, u ndërpre në minutën e 14-të pasi u dëmtua arbitri anësor, Thorben Siewer.
Konkretisht, ndihmës arbitri është goditur në kokë nga lojtari mysafir Finkgrafe, i cili gjuajti fort topin nga fusha. Volfsburgu ishte në sulm dhe Finkgrafe reagoi duke e larguar topin nga zona e rrezikut.
Fatkeqësisht, topi goditi anësorin Siewer në kokë, i cili nuk ishte në gjendje të vazhdonte të gjykonte. Ai u zëvendësua nga arbitri i katërt dhe arbitri rezervë zbriti nga tribuna për të marrë rolin e arbitrit të katërt.
Siewerit iu dha menjëherë ndihma e parë në fushë, pasi situata nuk ishte aspak e mirë dhe takimi u ndërpre. Pas 7 minutash ndeshja vazhdoi.
Kto powiedział, że praca arbitra jest bezpieczna? Sędzia meczu Wolfsburg – Kolonia znokautowany. #domBundesligi pic.twitter.com/8OQ10MgxUz
— Viaplay Sport Polska (@viaplaysportpl) January 27, 2024
