Me pankarta në duar, aktivistët e “Lëvizja BASHKË” dolën këtë të shtunë në sheshin “Skënderbej” në protestën kundër korrupsionit qeveritar.
Ata shprehen se qeveria Rama, oligarkia dhe nëntoka kriminale janë bashkuar në një aleancë historike kundër interesave të shumicës dërmuese të qytetarëve shqiptarë.
“Kushdo që pret nga ne të kafshojmë gjuhën në lidhje me të vërtetën dramatike se qeveria, oligarkia dhe nëntoka kriminale janë bashkuar në aleancë historike kundër interesave të shumicës dërmuese të qytetarëve – punëtorëve, shtresës së mesme, fermerëve, të rinjve, pensionistëve, sipërmarrësve të vegjël etj. – e ka gabim.
Ne nuk i negociojmë parimet tona”- thanë protestuesit.
