Gjykata e Posaçme e Apelit refuzon kërkesën e 12-të në radhë për lirim nga qelia të kryebashkiakut të zgjedhur të Himarës, Fredi Beleri.
Këtë të premte Apeli i Posaçëm vendosi të miratojë këtë vendim, duke lënë kështu në qelitë e paraburgimit Belerin, i cili po gjykohet aktualisht për akuzën e “korrupsionit në zgjedhje”.
Beleri është arrestuar prej 12 majit të vitit të kaluar i akuzuar për blerje votash në zgjedhjet e 14 majit, në të cilat ai mori shumicën e votave në bashkinë e Himarës.
Beleri po ashtu ka kërkuar të kryejë betimin si kryebashkiak i qytetit jugor, por nuk është lejuar.
