Chelsea dhe Aston Villa do të luajnë një ndeshje të dytë (në fushën e Villans) ku do të vendoset se cili ekip do të kualifikohet në fazën e 1/16 të FA Cup.
Takimi i parë isotëm i zhvilluar në “Stamford Bridge” përfundoi me rrjeta të paprekura, me blutë e Londrës që humbën një mundësi për të shfrytëzuar faktorin fushë.
Madueke dhe Palmer patën disa mundësi të mira për vendësit, ndërsa Aston Villas iu anulua një gol (u shënua nga Douglas Luiz) në fillim e sfidës për prekje të topit me dorë.
Mauricio Pochettino vendosi ta linte në stol Armando Brojën për ndeshjen e sotme, duke eksperimentuar sërish me Palmer në qendër të sulmit, por kjo konfirmoi edhe një herë se për krizën e Chelsea-t nuk e ka fajin shqiptari, i cili jo pak herë është kryqëzuar për moshënimin e golave. Armando Broja u hodh në fushë vetëm në minutën e 77-të, por nuk pati mundësi të linte shenjë në këtë sfidë.
Kujtojmë se në ndeshjen e fundit të Chelsea-t në Caraboa Cup përballë Middlesbrough të mbyllur me rezultatin 6-1, sulmuesi kuqezi kontriboi në shënimin e dy golave të parë.
