Konyaspor ka zyrtarizuar afrimin e sulmuesit shqiptar Valon Ethemi. Klubi turk ka marrë në formë huazimi Ethemin nga skuadra e Istanbulspor, me mundësinë për blerjen përfundimtare të kartonit. “Konyaspor ka nënshkruar me anësorin Valon Ethemi në huazim deri në fund të sezonit, me opsionin e blerjes” – Shkruan klubi.
26-vjeçari gjen te Konyaspor edhe sulmuesin kuqezi, Sokol Cikalleshi. Futbollisti Ethemi mbahet mend për faktin se ka luajtur për 3 sezone te Kukësi, përpara se të transferohej në Turqi te Istanbulspor.
Konyaspor po kalon një sezon mjaft të vështirë në elitë, ku aktualisht mban vendin e parafundit në klasifikim. Trajneri boshnjak, Fahrudin Omerovic ka një mision mjaft të vështirë, të shpëtojë skuadrën nga rënia prej kategorisë.
