Tiago Djalo është prezantuar sot te skuadra e Juventusit. Mbrojtësi portugez u transferua nga Lille për shumën e 3.6 milionë eurove dhe 3.1 milionë tjera bonuse.
Djalo në fjalët e tij të para në Torino nuk fsheh dot lumturinë.
“Jam shumë i lumtur, është një ekip cilësor me një trajner shumë të fortë dhe mendoj se mund të mësoj shumë me të. Erdha tani dhe ndihem shumë mirë, skuadra është e fortë dhe më pëlqen si luajnë. Është më e lehtë për mua të mësoj në këtë mënyrë, doja të luaja këtu sepse është ndryshe nga liga franceze.
Oferta nga Interi? Ndjeva se Juve më dha një mundësi të madhe, ky është një klub me shumë histori dhe mendoj se bëra mirë që nënshkrova me Juventusin. Kam ardhur këtu sepse dua të luaj, jam shumë i qetë. E di që kam cilësi për të luajtur këtu. Kam dëgjuar se Juve më donte, fola për planet e tyre dhe u ndjeva mirë.
Krahasimi me Tomorin? Me te jemi pak më ndryshe por e respektoj atë që tha. Ka shumë mbrojtës cilësorë, më pëlqeu Thuram-i, ai luajti djathtas dhe majtas dhe unë jam si ai”, deklaroi Tiago Djalo.
