Pas katër orësh, Jamarbër Malltezi la rreth orës 15:00 ambientet e SPAK, ku u thirr për tu pyetur lidhur me procedimin penal për privatizimin e ish-kompleksin sportiv Partizani. Dosje në të cilën prokuroria e akuzon Malltezin për korrupsion.
Në një prononcim për gazetarët pas daljes nga SPAK, Malltezi i cilësoi akuzat politike dhe prokurorinë të kapur nga kryeministri Edi Rama.
Malltezi u shpreh se donte të dorëzonte në SPAK dokumentet me denoncimet e bëra nga PD për tjetërsimin e pronave në Tiranë, por tha se prokurorët nuk guxuan t’i merrnin.
“Kemi presionin që Rama i ka bërë SPAK në mënyrë të vazhdueshme, duke delegjitimuar reformën në drejtësi. Ajo që ka rezultuar se i gjithë procesi nuk ka dëm në financat publike. Nuk guxuan t’i merrnin, për denoncimin që ka bërë PD për tjetërsimin e pronave në të gjithë Tiranën. Nuk kanë preferuar t’i marrin këto dokumente”, tha Malltezi.
